مفكرة " أيام الدرآسة " لجميع الأعضآء .. ^^

[dal3 world]

تعرفوون انا هاديه بعد عسب ما انضرب صح كان ممنوع بس يضربن الله ياخذهن << خخ خلصت ايام المدارس وبعدني ادعي ههه

هييه تذكرت في اول ثانوي كان عندي اربيعه انا وياها من اول ابتدائي لين ثالث مع بعض بس تفرقنا سنه في الثالث اعدادي وطبعا قوت علاقتي فيها يوم كنا صف رابع

المهييم

كان عندنا مدرسة فيزيا تلبس اسود << اول ما كنا نعرف ليش كله تلبس اسود مره قالت لي آختي انه ريلها وعيالها كلهم توفوا بقى بس بنت او بنتين بسبب حادث الله يرحمهم

الله يخليها المدرسه واايد طيبه هي ومب عصبية ولا تصارخ ولا شي بس ما اعرف ليش نخاف يوم نشوفها يمكن الانها ابد ما تبتسم

وكان كل صفنا ساكت في حصتها لأنه كانت كل بدايه الحصه توقف كم بنت عسب تسالنا نشوف فاهمين ولا لا

وكنت انا واربيعتي نتشاور بحل سؤال وجان تقول منو يتكلم محد رام يرمس انا وسميه من الخوف ما رمنا نرمس هههه

وجان تمسك بنتين ما يخصهن بسالفه وهزاتهن ههههههههههه

ونحن سلمنا ههه بس تبنا ما نرمس في كلاسها من الخوووف ههه

الحين يوم اتذكرها اضحك على غبائنا ليش كنت اخاف منها مع انه ما تصارخ ولا تسوي شي بس صدقووني يوم تبتسم والله حلوووة ابتسامتها .. ^^ ولين الحين صورتها في بالي يوم ضحكت علينا يوم قلنا لها انا نحن نخاف منها يوم صرنا ثاني ثانوي

[antibody]

ههههههههههههههههههه

سبحان الله

اشياااء صغيره .. يمكن يعتبرها الاشخاص الثانين تافهه او لا تذكر

لكن لها معااني كبيره في قلوبنا


دلع .. و انتي تحكين دخلت جووو معج

بالله كلمينا اكثر عن هالابله

[dal3 world]

اممم مثل شو

بس تعرفي شو يعيبني فيها انها حقانيه اي وحده تغش تعطيها صفر

وما تعامل شاطره احسن عن الكسوله

لأنه في بنات يبذلن جهد لكن مستواهن الدراسي نازل

امم تعرفيين هي لأنها كانت جي اتذكرها صح ما تسولف وايد معانا ولا شي لكن كانت محترمه وعشان جي بقت في بالي

مثل ما قالت بنت راشد بسبب هذيك المدرسه لين الحين هي تتذكرها

بس انا اذكر مدرسه كانت كرييهه وحلفت ما اسامحها طوول عمري وتصوري كنت امسك عمري في العمره ما ادعي عليها

وتصوري مدرسة ديين بعد الله ع ديين والله

كانت دووم تهازبني ما اعرف ليش تكرهني مع اني كنت شاطره واذا ما حليت او ما حفظت كنت افتح ايديني واقولها عادي ضربيني انا استحق لأني ما حفظت بس كانت تستحي على ويها من هذي الحركه هههه

تصوري شو كانت تسوي

كانت دومها تقصص دفتري مع انه مرتب والله

بس لأنه ما اسطره بالمسطره تقصصه ولا قد قالت لي انه اسطره

ومره خليت اختي بعد تكتبلي ولا عبرت طرشني عند الاخصائيه بعد ما تهزاني وتقص الدفتر كل يوم اعيده وكل يوم تقصصه

ومره يابت دفتر بنت وراوتني اياه بعد ما قصصت دفتري والله ورب الكعبه انه مالي مرتب وخطي احسن من خط البنت مليون مره وفي بعد بقعه مزييل في دفتر بس مسطر وياليت مرتب تسطيرها بعد اونه ارتب من دفتري

وفي مره اول امتحان نمتحن دين في بداية السنه كان من 13 درجه انا يبت 10 من 13

قالت جدام البنات اونه انا سلامه ما توقعتها اتييب هذي العلامه ترا اللي روتني دفترها يايبه يمكن 6 او 7 اقل عني بواايد هههه

كنت مستانسه وهي مقهووره هههه

انا مدرسة الفيزيا كل ما اذكرها ادعيلها بالخير بس يوم اتذكر هذي ادعي عليها وحلفت ما اسامحها طوول عمري على اللي سوته فيني عسب جي ما احب اتذكر واايد ايام المدرسة

[بنت راشد]

ههه يحليلج والله .. غمضتيني
انا بعد مثلج دلع احب ايام الجامعه اكثر عن المدرسه ..

ذكرتيني بمُدرسة التربيه الاسلاميه .. صار لي معاها موقف وانا في ثالث اعدادي
كانت في يوم توزع الدرجات .. ولما يا دوري رحت لين طاولتها استلم ورقة الامتحان جان تقولي :
شو هالدرجه اللي يبتيها !! استغربت ..
ولما شفتها كانت درجه كامله .. وقلت وانا اشوف الدرجه : كم تبغيني اييب :)
ظنيت اني اكلم نفسي وما سمعت .. لكنها سمعتني وسوتها سالفه وعصبت .. وودتني عند الاخصائيه تشتكي !

[بنت راشد]

اعضاء المنتدى في الصف
اول وحده antibody
وحذالها dream غايبه
دلوعه ورا dream
انا اخر وحده لان هذا مكاني دايما في الصف :)

[dal3 world]

حلوووة اصووره بنت رااشد :)

هههه تعرفي انا دووم قبل الاخيره لأني احيانا ما ادري شو اييني وانتبه ع الدرس خصوصا يوم احس اني مب قد الاهمال واحس الماده صعبه احس غصبا علي انتبه لأني ما اتحمل ارسووب والله اصيح اذا رسبت مع ها انا ما ادرس ههههه

[Dream]

واي بنت راشد صورة معبرة أيه عليج حاسه فيني

[Dream]

أنا أتذكر شي أيام الدراسة كان في عندنا مدرسة رشاش ما شاء الله عليها اللي يقعد جدام يطلع من الحصة متسبح

أنا ما كنت ما أدري بها وجايه من مدرسة ثانية لقيت أول كرسي فاضي .... وقعدت فيه مستغربة شلون محد فيه,,,,,قعدت وياريتني ما قعدت بعد حصتها رحت للمشرفة وقلت لها أبي أروح البيت بطني يعورني وقالت لي نامي على السرير وأنا معروفة الدمعه واقفه عند الباب حالاً صحت وأتصلوا بأهلي
هههههههههههههههههه
بعدها أختي الكبيرة أتصلت لهم وغيروا مكاني عاد شنو قالت لهم ما أـذكر

[antibody]

هع هع

سبحان الله كانج تعرفيني يا بنت راشد

اربع و عشرين ساعه نفس الصوره


دريييييييم غاااايبه الله

احسن شي .. محد بيضاربني امسح الصبووره

.
.

اناااا كانت بيني و بين السبوره علاقه حب جاامحه هع

انا الي امسح .. و انظف المساااحه .. و ازين زوايا الصبوووره

و اكتب البسمله و التاريخ و اليوم

و إذاا جاااتني نذاااله اطلع صووت بأظاافري على الصبوووره و هاااتي يا صراااخ من البنات

يعني ان ما حصلتوووني .. دوروني عند الصبوره هع


بس بعض المرات ما احبها .. لانهاا تنشف الايد

بس بدت معي عادة مسح الصيوره .. لاني كل ما مسحت

اقول للمس : مس ابا اغسل ايدي هع

فدوون على عالحكايه لين صارت ادمان

[dal3 world]

امم بخبركم عن جم يوم استوت سالفه << ما فيني اتذكر ايام اول خخخ

في كلاسنا بنت متنقبه ما شاء الله عليها ولابسه عباة راس المهم مره هي رفعت النقاب او الخمار المهم عن ويها ودش اسير وشافها وهي يوم شافته تخرعت ونزلت الخمار على ويها بس تم يقولها ما يحتاي تنزلي لأني شفتج وتصوري كل شوي يضحك ويقولها شفتج شفتج << كرهته والله بس ضحكني الله ياخذه ههه