هذا نوع من الشعر الشعبي الليبي ويسمى بالضمة قشه واحيانا بالمشاكاه
الفيديو به الّقاء الشاعر والتصوير والاهداء ليس له اي صله بالشاعر ومفبرك لذا لزم التنويه
يا صقر فوق اقطوعي ضاوي على مركاز في مربوعي بعد حومتك
قال جيت ضارب داره . . . سابل اجناحي فادر الزكارة
عابر صحاري وطن كم وابحاره . . . فوق مـ المعالي والمدن وزروعة
كمين سيف شقيته ومامن قاره . . . امبات لين عند الصباح اطلوعة
لا اتهمني صقعة وقو حرارة . . . ولا ريح قبلي كادني هيزوعة
جاسر وعندي مفخرة وكبارة . . . بين الجوارح قيمتي مرفوعة
ارماني نصيبي يوم جيت اصدارة . . . جاضر ايفوج في وطا مقطوعة
عزقلي شرك مفتون من صنارة . . . فوق من حمامة خدعتي مخدوعة
ضاربتها وخديتها بمهارة . . . كبدي عليها ذايبة مفروعة
ريشتها في سيف بين انضارة . . . داشع عليها عصر وان الجوعة
احداي رفد اعريبته سيارة . . . اكريزر جديدة للوعر مصنوعة
هلها اصابو واطلقو في اغبارة . . . حسيت من ساعتها هيبتي منزوعة
الدهر خاني راعيت كل صغارة . . . امقمط امكمم حالتي طبوعة
التمو ومادسو علي شطارة . . . ولاغاب ولا صياد م المجموعة
في يوم الي ريته عرب ازارة . . . اجوادي ونفسه هايبة وقنوعة
جبر بخاطري وعارف الصيد وكارة . . . بلنجم يخبر في الخلا وانجوعه
مقابيل زلاقي اطيور احبارة . . . ايريدني لهن هكي رسم مشروعة
وفيهم الي ملهوف بلتجارة . . . ضرب حسبته سالن علي ادموعه
صاحب مصالح ذاب شاطت نارة . . . ضبط شنته واتي الحق ادفوعه
بصاحب مشايخ حاكمين ايمارة . . . برضاهم ايريد ايصوقرة موضوعه
والشاطر ايطيح ايطيح لينزرارة . . . بطعنت غشم ينصاب بين اضلوعه
والدنيا غرورة ريحها ديارة . . . اتقادر الحي وفـ العقاب اتلوعه
والي مو امدادك يجرفك تيارة . . . لا اتصارعه يصعب عليك ارقوعه
يا صقر فوق اقطوعي ضاوي على مركاز في مربوعي بعد حومتك بعد حومتك ..
الفيديو به الّقاء الشاعر والتصوير والاهداء ليس له اي صله بالشاعر ومفبرك لذا لزم التنويه
جاري البحث عن اسم الشاعر
[youtube]
من الشعر الشعبي الليبي
رد مع اقتباس
رد: من الشعر الشعبي الليبي 
مواقع النشر (المفضلة)