كيف نرتقي بمنتدانــا !!
كيف نجعل من هذا المنتدى الأفضل ؟!!
الكل يحاول الاجابة عن هذا السوال..
ولكن....!!!
* ماهو المنتدى ..!!
المنتدى هو بيتك الثاني وفية اصدقائك واخوانك يشاركون معك في المعرفة وفي المزح ويزعلون لزعلك ويفرحون لفرحك
وفي هالوقت كثرت المنتديات وصار هناك سباق للمنتديات وكل عضو يتمنى أن منتداه هو الأفضل ويتفاخر بين اصداقائه بهذا الشئ
فكيفك نجعل منتدانا هو الأفضل ؟؟
الحل بسيط
* اولاً :
(( تشجيع الأعضاء الجدد )) هذي هي البداية وأنت أكيد تتذكر أول يوم جيت للمنتدى وكتبت موضوع وكم تمنيت يرد علية الكل ،، وبتشجيعنا للأعضاء الجدد فنحن نشجعهم على الأبداع فمنهم سيخرج لنا كتاب رائعين في الأدب والشعر وكتاب متميزين في الصرقعه أو في أي مجالات آخرى
والعضو الي دايم يكون الأول في الترحيب ،، يسمى الحبيب وقلبه طيب..
* ثانياً : (( قبل أن تكتب أي موضوع في أي قسم معين يجب أن ترد على موضوعين اوثلاث او اكثر )) وهذا شئ مهم جداً ،، لأن هذا تواصل بين الأعضاء وتشجيع لهم وأي عضو يفرح بكل رد على موضوعه ويشجع على الأبداع أكثر فاكثر وأنت أذا رديت على موضيعهم الكل بيرد على موضوعك.
والعضو الي دايم يرد على المواضيع يسمى ،، محبوب الكل ..
* ثالثاً : (( تشجيع المواضيع التي يكتبها اصحابها )) أن تكتب أنت موضوع بجهدك أفضل مليون مره من نقله أو نسخه من منتدى ثاني فالمستفيد الوحيد هو صاحب الموضوع الذي كتبه بجهده ولأنه موضوع رائع فالكل ينسخه وينشره في كل المنتديات ،، أكتب فكره أو معلومه أو انقل من كتاب او مجلة مايستحق النشر ...
والعضو الي دايم يكتب مواضيعه بنفسه ،، هذا نشيط ومتميز ..
*رابعاً : (( الكلمة السحرية )) وهي أن تكتب كلمة ( شكرا على هذا الموضوع ) كلمات قليله ما راح تتعبك او تنقص من قدراتك فهذة الكلمة تعني الكتير ،، كثير مانشوف مواضع عدد قرائها فوق السبعين او الثمانين ومن هولاء فقد يرد على صاحب الموضوع واحد او ثنين وأكثر الأحيان تجد الموضوع خالي من أي رد ..!!
يعني أنت تريد الكل يرد على موضوعك وأنت ماتكلف على عمرك وتجامل صاحب الموضوع .. وتشجعه وتشارك معه..
ويسمى العضو الي دايم يشارك ويشجع الاعضاء على المشاركه ،، العضو الصاحي ..
*خامساً : (( محاربة الشلل )) وهذا أكبر خطر يهدد أي منتدى وكثير من المنتديات هرب منها اعضائه لهذا اسبب ،، والشلل هي أن يتفق الأعضاء ويقولون ( احنا والله شله ارتحنا لبعض وما نريد واحد جديد يدخل بينا ،، والاتفاق هو: ترد على موضوعي ارد على موضوعك ) ويروح فيها الضعيف ( العضو الجديد ) مايعطونه وجه وينسحب من المنتدى ،، وبعدها بفتره يقلبون على بعض ويصير كل واحد يكتب موضوع ولا يرد على الثاني ،، وخلاص انتهاء المنتدى وصار ممل والاحسن انه يتقفل.
وهذة الاعضاء تسمى اعضاء مشاكسة ..
*سادساً : (( التواصل بين الأعضاء )) التواصل بين الأعضاء في الأفراح نهنيهم وفي الأحزان نواسيهم ( عاد تخيل نفسك مريض او مسافر اهلك بيسألو عنك ولكن.. ،،بس تجي للمنتدى ولكل مشتاقين لك ويسألون عنك ،، أكيد بتموت من الفرحه ومحد قدك )
ويسمى العضو الي دايم يسأل عن الاعضاء ،، طيب القلب
*سابعا: (( لاتصير خفيف وثقل )) متلا عضو يكتب كل يوم عشر مواضيع وفي كل قسم يحط ست مواضيع هبل ( ع الفاضي) ،، ويالله يالله نرد على نص مواضيعه ولا نلحق .
*ثامنا : (( التقليل من المشاكل وحوادث السيارات )) يعني ثنين" مقاريد" تشاجروا وقلبوا المنتدى رأس على عقب ونقسم المنتدى الى حزبين ونبدأ بالشجار....
( ياخي بينك وبين اي عضو مشكله او شيء ماعجبك منه او لك ملاحظة ،، ارسله على الخاص وتفاهم أنت وياه بدون مايدرون الأعضاء )
ويسمى العضو المشكلجي .
*تاسعا: (( خلك ذرب )) مثلا عضو يتعب ويكتب موضوع جاد ومهم ويتوقع ان يرد علية الاعضاء ويناقشة الكل ويجي العضو الي مايدري وين الله حذفه ويرد رد زي وجهه ،، الموضوع في شمال وهو يرد بالجنوب ،، ويخرب الموضوع او يقلبه تشات
( المواضيع الجاده والمهمه تحتاج الى رد جاد وبعكسها المواضيع الساخره او المصرقعه يرد عليها برد ساخر او مهبول )
وتسمى الاعضاء الي ترد برد في جهه والموضوع في جهه حوووووول
*وأخيراً * المنتدى ليس بعدد اعضائه ،، بل بترابط اعضائه كلأسرة الواحده وكما قال رسول الله علية افضل الصلاة وسلام (( مثل المؤمنين في توادهم وتعاطفهم مثل الجسد إذا اشتكى منه عضو تداعى له سائر الجسد بالسهر والحمى )) وقولة علية السلام (( المؤمن للمؤمن كالبنيات يشد بعضه بعضا ))
تحياتي لكم
رد مع اقتباس
ـــــــــير
مواقع النشر (المفضلة)