المساعد الشخصي الرقمي

مشاهدة النسخة كاملة : ولد منيرة !!!!!!!!!!


ـرِفيِــ ــعْ ــ الشّـ ــآن۫ـ
15-01-08, 04:02 AM
اتصلت احدى صديقات أم ميرا ورفعت ميرا الهاتف و.........وتعالوا نشوف مع بعض ايش قالت؟؟؟
المتصلة ((نهى))صديقة أم ميرا قالت:ألو
ميرا: الو
نهى: سلام عليكم
ميرا: وعليكم السلام
نهى: مين معايا؟؟
ميرا: شنو مين معايا أنت اللي اتصلت مو أنا؟؟؟
نهى: طيب يا حبيبتي عطني أمج
ميرا: أقول لها مين؟؟؟؟
نهى: انت مالج شغل عطني أمج بسرعة.
ميرا: وييييييه انت تقولي لي انا اناانا بنت امي تقولين لي ذي الكلم صج والله انك ماتستحين على ويهك(وجهك)
نهى: يابنت خلاص اخلصي وعطني أمج
ميرا: اياني واياج ماتكلمينها الين ماتقولين اسمج
نهى : هاي والله مني خدامة ابوج مو لازم تعرفين اسمي
ميرا : طيب عادي مو لازم اعرف اسمج وانت كمان مولازم تكلمين امي
نهى : ياربي ياربي وش النكبة ذي كان ماتصلت كان احسن لي
ميرا: المفروض قبل ماتتصلين تفكري مليون مرة
نهى : شنو مليون مرة تبي تموتيني؟
ميرا : افا افا عليج مو عيب عليج تقولين هالكلام؟؟
نهى: اي طيب وين أمج؟
ميرا :..........رجعنا مرة ثانية للكلام الفاضي اللي مالها داعي
نهى: :ياربي خلاص طيب مع السلامة
ميرا :مع السلامة لكن قبل ماتقفلين الهاتف بأسألج سؤال ممكن؟؟؟
نهى:تفضلي
ميرا:........................وشنو اسمج؟

نهى: لاااااااااااااااااااااااااااااااااااااااااا.
وانتهى الحوار..





الموضوع مو قصة

الموضوع قضية في مجتمعنا !!

المغزى .. ليش عندنا المرأة عيب تقول اسمها في التلفون او في أي مكان ؟؟

وحتى الاولاد عيـــــــــب يقولوا اسم امهم او اسماء اخواتهم قدام اصدقائهم

زي حلقة طاش ماطاش .. (( ولد منيرة ))


اترك الحين لكم الكلام للتعليق على المشكلة


تحياااتي
6OO^eYa
15-01-08, 05:18 PM
اولا يسلمووو عالموضوووع
اما عني انا..عادي وبصراحه انا بكون مكان ميرا نياهاهاهاها
اما عن الشباب.مادري ليش تفكيرهم جي.!
هل هو من الدين ولا عاادات وتقاليد ولا شوو؟؟
انا مادري
^_^
عيـن الظــمى
20-01-08, 05:25 PM
::
.


السلام عليكم


السموحه منكم اذا بتعتبرون كلامي جدلي أو يمس حد منكم

بس بكل صراحه .. أنا أشوف إن هالموضوع فاظي وما له أي أساس
يعني خلوا هاللي يسوي روحه ريال يعطينا سبب واحد بس ما يخليه يقول اسم أمه

هذا بدال ما يعتز ويفتخر باسم امه واسامي خواته

بتقولون مينونه ومخرفه .. بس ما تعتقدون إن المفروض يكون رسولنا عليه الصلاة والسلام قدوتنا في كل شي نسويه؟؟

عمركم سمعتوا إن الرسول عليه الصلاة والسلام يزقر حرمته بـ "إيه إيه" والا يقول حرام والا عيب ينقال اسم الحرمه؟ ما يستوي والله المفروض نحن كمسلمين نعتبر من قصص رسولنا

بالعكس عليه الصلاة والسلام كان يفتخر بكل النساء اللي مرن في حياته .. وكل وحده يذكرها باسمها حتى لو كان بين صحابته

ولو كان عيب والا حرام على قولة بعض الناس .. مستحيل كنا نعرف إن اسم بنته فاطمة الزهراء مثلا .. والا اسم زوجته خديجه عليهن السلام


::


السموحه مره ثانيه منكم


رفيع الشان لك كل الشكر على هالطرح الطيب
:)


اختك//
عيـن الضمــى


.
::
عيـن الظــمى
20-01-08, 08:38 PM
"إيه إيه"

هذا اللي نسمعه احيانا في الاسواق والا في مكان عام يوم بعض الرياييل يزقرون حريمهم والا يوم الشباب يزقرون امهاتهم !!