للبنات إذا خطبك احد هؤلاء الاثنين من منهم تختارين؟؟!!

[ـرِفيِــ ــعْ ــ الشّـ ــآن۫ـ]

السلام عليكم

شحالكم أعضاء المنتدى إن شاء الله بخير
حبيت اعرف راي البنوتاات فالزواج بين اثنين


الأول::
دكتور ونفترض انه جراح مثلا يعني راتبه قوي ومنصبه قوي .. لاكن مثل ما انتو عارفين عيوب هذا النوع كثيره ... حياته كلها عمل و فلوس يعني زوجته و عياله ماراح يشوفهم الا 3-4 ساعات باليوم اذا مو 3 ايام بالأسبوع اكيد بينام برا البيت كثير وينشغل عن الحياة الزوجية كثير ... يعني الزوجه هنا وحيده اغلب وقتها ...



الثاني::
موضف عادي راتبه عادي منصبه عادي ...لاكن مافيه شغل يشغله عن حياته الزوجيه مايشغله شغله عنها شغله ثابت من و الى و الباقي فاضي لأم العيال..


طبعا بغض النظر عن الأخلاق و العائله و السمعه لنفرض انهم كلم اوكيه...


انتظر الردود

[6OO^eYa]

والله انا لو بتزوج ..باخذ واحد عاقل وفاهم الحياه..ويتحمل المسؤوليه
ما يخص البيزات
المهم الطبع والاخلاق والحب :)
اكيد انا اشوف الثاني و ايد احسن:)
والسموحه

[ـرِفيِــ ــعْ ــ الشّـ ــآن۫ـ]

مسموحة بالحل


بس شو السبب اللي خلاج تختارين الثاني هب الاول هذاك عنده فلوس وااااايد و منصب وكل شي

[تبسم عشاني]

الف مبروووك هههههه

بس مب حنا الي نختاااار الحقيقه اهي الي كاتبه الله هو الي بتخذه كل بنييه !!!!وعسى ان تحبو شياً وهو شر لكم وعسى ان تكرهو شياً وهو خير لكم اما من الناحيه الواقعيه هب زين الريال يكون مشغول نعني رايي كلهم اوكيه اهم شي يكون الريال اخلاقه زينه ويحب اليهال هههههههههههههه

[Vanilla]

بستخير..لووول..!!



كل انسان فيه عيوب, لكن الشخص يدور على الشريك اللي عيوبه تناسبه..

اعتقادي, اساس العلاقة الناجحة مو البحث عن اوجه التشابه ..بل البحث عن اوجه الاختلاف, احترامها واكمالها بمميزات الطرف الاخر...!!

وشكرا!

[× خارج السرب ×]

عليكم السلام والرحمه

امم رح نستخير بالبدايه
واكيد عن نفسي بفضل اللي بيستقر معاي مب يستقر في شغله ^_^
فالاخير الخيره فيما اختاره الله

مشكور яfëë3 iŁ-shäñ

/
,

[ـرِفيِــ ــعْ ــ الشّـ ــآن۫ـ]

مشكورين ع الردود الغاوية و ان شاء الله الموضوع نال اعجابكم !!؟؟