+|الحريــــم ســــاقن والحــــــوادث زادن|+

[Vanilla]

موضوع قرأته لأحد اعضاء منتدى اماراتي, وحبيت أناقشه..!
____________________________________________
السلام عليكم ورحمة الله وبركاته
+|الحريــــم ســــاقن والحــــــوادث كثــــــرن|+
http://alwan88.googlepages.com/m_haha.gif
محد يقدر يقول لا ...
أبغي أعرف الرأي العام في هالموضوع ... وهذا الموضوع للمناقشه
تمشي في الشارع وتحصل سياره تمشي على راحتها وماسكه خط السرعه
"أكيد اللي يسوقها حرمه ولا .."
تمشي وتحصل سياره فجأه يت جد*** ولا دخلت اللفه
" أكيد اللي يسوقها حرمه"
جد*** سياره في الإشاره والإشاره تبطلت والسياره ماتحركت
"أكيد اللي يسوقها حرمه"
ولا في مره مرت شاحنه عدال سيارة حرمه في الشارع هدت السكان ومسكت راسها
انا ماعرفت أسوق هههههه شكلها يظحك http://alwan88.googlepages.com/m_haha.gif
والله حاله
شخصيا ماحب أمشي ورى سوداني ولا ورى حرمه /مع احترامي للسوادنيين/
في مره كنت واقف عند الإشاره في دبي وشوي سياره يسوقها سوداني مريوس !! ماعرف شو سالفته زين مب انا اللي وراه جان دفنته تحت سيارته وفي مره كنت مستعيل وقابض خط السريع والزول جدامي ويمشي 80 !!!!!
ينسون القوانين بعد ماياخذون الليسن !

المهم في هالموضوع أبغي نتناقش ونعرف وجهات نظركم
شو رايكم بفكره انه الحرمه تسوق؟؟
و أبغي رايكم في سواقت الحريم اللي يسوقن ؟؟
والله شوماخر مايي شي عدالهن ما شاء الله عليهن
شو تعتقدون سبة كثره الحوادث ؟؟
وهل انتو مع قانون يمنع الحريم من السواقه "يارب ينزل" ؟؟
أبغي أسمع وجهات نظركم ... والسموحه
____________________________________________

لي عودة محترمة!!!

[قلب بدوي]

هههههههههههههههههههههههههههههههههههه


والله يا فانيلا اني انغص يوم اشوف حرمه تسوق جدامي

امشي ********** ولا في الي عطاج الليسن

مادري يمكن الشارع مكتوب باسم ******** وانا مادري ماعرف

ولا الاكثر غصه لا مسكت الخط السريع وتمشي 80 يا ماما هالخط سريع هب مال قوم 80

زولي هههههههههههههههه والله اطفر يوم اروح الجامعه ..

ياااريت يسوون لهن كذا امتحان بعد الليسن :(


وبعد فيه مره وانا طالعه من الجامعه الا وحده من الخوات تريوس وتلف يمين لين مادعمت سياره

نقعت ضحك عليها حشى شو هالسواقه مادري كيف نجحوها بصراحه ^.^


<< ههه اسفه لكن هاذي الغصه في الشوارع مانقدر نسوي شي :(

تم تعديل بعض الكلمات بواسطتي ONE :) اعصابك

[× خارج السرب ×]

قلب بدوي كالمعتاد تيب بو السوالف وتنسى الموضوع :183:
يابوي انتي يبالج شارع ريس وسيارة شوماخر عسب ما تأذين الخلق :31: في حاره منفرده
رح نقترح هالاقتراح على دايرة الاشغال ولايهمج :confused:

/

المهم :. عليكم السلام حيالله Vanille

موضوعج رائع غناتي وبجاوب على اسئلتج وان شاء الله تعرفين رايي في هالتوبيك ,

/


شو رايكم بفكره انه الحرمه تسوق؟؟

اذا ساقت الحرمه , فأظن هي محتاجه , خلنا نشوف ليش اختارت قيادة السيارة عقب نحكم

بعض الحريم يسوقون لانهم محتاجين لمن يخلص امورهم وامور بيتهم , اذا ماكان عندهم بامكانه يخلص هالشغلات < = = هاي فئه

الفئه الثانيه , امم حريم يحبون الكشخه :139: ويا ارض ويا ماعليكي بصي علي ") , يعني حاجة لاشي او زينه او ماعرف شو التسميه الانسب ,

/


و أبغي رايكم في سواقت الحريم اللي يسوقن ؟؟
والله شوماخر مايي شي عدالهن ما شاء الله عليهن

هاي الله يسلمج قلب بدوي :p , شارع مكتوب باسمها ,
بيني وبينج غاويه السرعه اذا كنت متأخر عالدوام :212:
اما اني اسوق عسب الفت الانظار :( فأنا اشوفها عيب انها بنية وتسوق سواقة شوماخر

/


شو تعتقدون سبة كثره الحوادث ؟؟

اذا تطرقنا لمسأله الحوادث ما بنخلص , بس كون الموضوع يدور حول سواقة المرأه , فأنا اقول ان الحوادث عند الشباب اشد :209:
يعني من الاخير , اللي ما ينتبه يسوي حوادث :92: واللي يتهور بالمثل ,, والباجي مقدر ومكتوب

/


وهل انتو مع قانون يمنع الحريم من السواقه "يارب ينزل" ؟؟

لا ان شاء الله ما ينزل , :89:

\\

,

[SAM]

اول شي بصراحه... وعشان نكون واقعيين.... اغلب الحوادث.. يكون السبب فيها ريال...

سواقه الحريم ما تعيب الرياييل لانها مو مينونه شرااتهم...(خخخخ وسواقه الحريم اللي ما تعيب الحريييييم... بعد لانها ما تسوي توقيعات عالشارع)

مرات حرص الحرمه نعمه..لانها ما تسرع ... والمشتط المنفلت اللي وراها ما عليييييييها منه... تعطيه و لباس... ههههههه يقولن شعي منه والله يهرن لي باجر... اذا استوا لي شي ما بينفعني

وهن ما بيسوقن الا لحاجه

اما هاييل الحريم اللي ما ادري منو العبقري اللي معطيهن الليسن....(شرات وحده ذكيه عالاشاره بغت تظرب بريك داست بترول كااامل.....لا وسوت ها الحركه قدام المرور... عيبني طموحها هاك اليوم...لول)... هاييل اللي ينخاف منهن.. ما يندرا توصل الاخت المول سالمه ولا بالتقسيط.... ينخاف ينركب وياهن


ويا اخت فانيلا....قانون يمنع سواقه الحريم؟....

مصييرج تبيني اوصلج اول ما اطلع الليسن.... بقول لج خلي القانون اللي تبينه يوصلج....هههههههه(نذاله)
لا تخربي علينا ... اخاف صج يستوى

[ONE]

منو يقول ان الحريم بس هم السبب ! الاحصائيات تقول تهور الشباب

وعلى فكره يوم كنت شاب :( من 100 :183: سنه خطفت يمبي وحده وانا ع سرعه 240 !! يعني هي ع الاقل ماشيه 280

افااااااااااااا والله سبقتني وتميت متحسر ليومكم